عز نفسك في زمانك ولاتقول الحظ خايب

من طرف الحسيني الأحد يناير 06, 2008 6:26 am

الزمن لا صار ضدك واحتوى درب المصايب
لا تحاول تنكسر له لا تزيد الطين طينه

للزمن حكمه غريبه تحكم بدرب الصعايب
وياكثر من ضيع الفرصة وهي فرصة ثمينه

عز نسك في زمانك ولا تقول الحظ خايب
وسق عمرك للمعالي واكسر النفس الحزينة

والطريق اللي تشوفه يرسم الدنيا عجايب
مد يدك في طريقه لين ماتمسك يمينه

والرفيق إن طال وقته لا تحاتي كل غايب
حجته دايم معاه ولا تقول فلان وينه

ولا تكابر بالمصيبة لاحكوا بأغلى الحبايب
قول غالي وكل غالي تكرم لعينه مدينه

والبلا وأكبر مصيبة لا تناسوك القرايب
وتصبح الدنيا ظلام وتصبح اللحظه لعينه

وقتها لا عاد ينفع لا عتاب ولا طلايب
والزمن والحظ الأقشر أتركه واترك سنينه

تحياتي